Årsmøtet vart avvikla på normal måte 10. februar 2016. Det var ca 30 frammøtte – også det nokså normalt.
Årsmelding, rekneskap, planar og budsjett vart vedtekne utan særleg endringar. Det vart gjort greie for planar for haustturen, som ser ut til å gå til Finse-området. Elles er opplegget for 2016 nokså likt det vi har hatt i 2015.
Vala gjekk radig, i tråd med valnemnda sine framlegg. Erik Haugros vart attvald til leiar. Anne-Grete Granseth (ny) og Eystein Grimstad (attval) vart valde til styremedlemer. Inger Varhaugvik og Live Callin vart varamedlemer. Nytt medlem i bladstyret vart Marit Bjerke og Gunnar Gvein vart ny revisor. Elles var det attval. Tre nye rådsmedlemer vart valde.
Det nye styret hadde eit kort møte etter årsmøtet og konstituerte seg slik at Eystein vart nestleiar, Anne-Grete skrivar og Peder kasserar.

Styret for 2016 ser dermed slik ut:
Leiar:         Erik Haugros
Nestleiar: Eystein Grimstad
Kasserar: Peder Varhaugvik
Skrivar :  Anne-Grete Granseth
Medlem:  Oddvar Kværnhaug
1. vara:    Inger Varhaugvik
2. vara:   Live Callin